ವಿಶ್ವದಲ್ಲಿಯೇ ಹೆಚ್ಚಿನ ಭಕ್ತರನ್ನು ಹೊಂದಿರುವ ಆಂಜನೇಯನು ವಿಶ್ವಖ್ಯಾತಿಯ ಆರಾಧ್ಯದೈವ. ಹನುಮಂತನ ಸೇವಾ ನಿಷ್ಟೆಯನ್ನು, ಜೀವನದರ್ಶನವನ್ನು ಹದಿಮೂರು ಸಂಪುಟಗಳ, ಏಳುನೂರ ಐವತ್ತು ಪುಟಗಳಿಗಿಂತಲೂ ಹೆಚ್ಚಿನ “ಶ್ರೀ ಹನುಮಮಹಾದರ್ಶನ” ಮಹಾಕಾವ್ಯವುತನ್ನ ವಸ್ತುವಿವೇಚನೆ, ಕಥಾ ಸಂವಿಧಾನಲಯ ವೈವಿಧ್ಯತೆಗಳಿಂದ, ಮನಸ್ಸಿನ ಅಂತರಂಗವನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಉದಾಹರಣೆಗೆ

“ಸೂರ್ಯದೇವ, ಎನಗಿಹುದೆಂದುಅಪೇಕ್ಷೆ,
ವಿದ್ಯೆಯನುಕಲಿಯಬೇಕೆಂದು, ಸ್ವೀಕರಿಸಿ ನೀವೆನ್ನನು
ನಿಮ್ಮ ಶಿಷ್ಯನನ್ನಾಗಿ, ಕಲಿಸಿರೆನೆಗೆ ವೇದಶಾಸ್ತ್ರಗಳನ್ನು ಚೆನ್ನಾಗಿ”,
“ಸಂತಸಗೊಳುತ ಹನುಮಂತನ ವಿನಯ
ಮಾಧುರ್ಯಕೆ, ಸ್ಮರಿಸಿ ತಾನವಗೆ ಈ ಹಿಂದೆಇತ್ತ
ವಚನವನು ಇಂತೆಂದನವಗೆ ವಾತ್ಸಲ್ಯದನಿಯೊಳಗೆ,”

ಈ ಕಾವ್ಯಕಥನ ಸೃಜನಾತ್ಮಕ ಶೈಲಿಯಲ್ಲಿ ಹೊರಹೊಮ್ಮಿದೆ. ನಿಜಕ್ಕೂ ಡಾ.ಲತಾಅವರ ಈ ಮಹಾಕಾವ್ಯ ಜನಾದರಣೆಯನ್ನು ಪಡೆದು ಭಾರತೀಯರ ಹೃನ್ಮನಗಳನ್ನು ಸುಸಂಸ್ಕೃತಗೊಳಿಸುತ್ತಾ ಸಾಗಿಬಂದಿದೆ.ಡಾ.ಲತಾರಾಜಶೇಖರ್‌ ಅವರ ತಲಸ್ಪರ್ಶಿಯಾದ ಅಧ್ಯಯನ, ಅವರ ಸಂಶೋಧನಾ ಪ್ರವೃತ್ತಿ, ಕಾವ್ಯದಲ್ಲಿ ಶ್ರದ್ಧೆ, ಸೃಜನಶೀಲತೆ ವಿಷಯ ಪ್ರತಿಪಾದನೆಯಲ್ಲಿ ಸ್ವಾನುಭವದ ಒರೆಗಲ್ಲಿನಿಂದ ಕಾವ್ಯಕಲೆಯನ್ನು ಅನಾವರಣಗೊಳಿಸುವ ಇವರ ಕಾವ್ಯ ರಚನೆಯ ಕುಶಲತೆ ಅವಿಸ್ಮರಣೀಯ.

ಈ ಮಹಾಕಾವ್ಯವು ಗಾತ್ರದಂತೆ ಸತ್ವ, ಶಕ್ತಿ ಸಾಧನೆಗಳಲ್ಲಿಯೂ ಅತ್ಯಂತ ಬೃಹತ್ತತೆಯನ್ನು, ಮಹೋನ್ನತಿಯನ್ನು ಪಡೆದುಕೊಂಡಿದೆ. ಕಾವ್ಯಕ್ಷೇತ್ರದ ಜ್ಞಾನದಕ್ಷಿತಿಜವನ್ನು ಬಹಳಷ್ಟು ವಿಸ್ತರಿಸಲಾಗಿದೆ.